Dermes / Medilase / Hairless激光脫毛比較

SUE2020-05-04

相信大家都聽過Dermes/ Medilase/ Hairless呢三間激光脫毛中心既大名,但你又有冇去過?或者比較過呢?等我今次就向大家介紹下三間脫毛中心有咩唔同啦!

話說,Dermes/ Medilase/ Hairless呢三間激光脫毛中心都喺香港擁有旗艦店,治療師都受過專業訓練,脫毛儀器統統有認證,跟進服務、安全性、店鋪環境都很不錯,所以都係最多人討論既脫毛品牌。但到底Dermes/ Medilase/ Hairless邊間最值得去做呢?

dermes

Dermes

Dermes/Medilase/Hairless 防疫措施

呢排肺炎肆虐,所以首先講下大家最關心既防疫措施先,畢竟做脫毛(如麵部)要除口罩嘛。

以我所知,Dermes/Medilase/Hairless都做足防疫措施,三間都設有消毒搓手液液俾客人同員工消毒,好似Dermes咁,為咗俾客人舒適安全既環境,客人同員工都必須要探熱,如果體溫超過37.5度,或者曾經返過中國既話,就需要更加時間去14日後!除咗麵部脫毛,其他時間所有人亦都必須要佩戴口罩,員工亦會定時進行消毒,確保安全。

喺而家一罩難求既嚴峻情況下,Dermes甚至有口罩提供俾客人!佢地仲推出咗一隻營養補充品Cell Armour做脫毛療程贈品,由哈佛科研學家Dr. Chanda Zaveri研發,專門用嚟保護細胞,令超過90%病源無法入侵,自然分解,內到外咁對抗「疫境」。

與Dermes相較之下,Hairless同Medilase既防疫措施就不過不失,正正常常,如果大家都心急想去做脫毛,都可以放心的。

與Dermes相較之下,Hairless同Medilase既防疫措施就不過不失,正正常常,如果大家都心急想去做脫毛,都可以放心的

Dermes

▲Dermes防疫包,有口罩和營養補充品Cell Armour

Dermes/Medilase/Hairless品牌歷史

之後就開始真正既脫毛比較了!首先比較Dermes/Medilase/Hairless三間脫毛公司既品牌歷史。

品牌歷史可以令大家對該公司更有信心,如果一間公司多年來矗立不倒,長做長有,某程度係代表係質素有保證;相反如果一間公司開咗無耐,你對佢既信任度自然冇咁高。

所以大家見到新開既脫毛中心或者美容院,千其唔好貪平或者貪新鮮去幫襯,佢地無負擔,隨時呃你十萬八萬就結業走佬,好易「中伏」!

我自己都曾經因為貪平,試過幾次脫毛不快經歷,所以先想打呢篇文等大家留意下,所謂前車可鑒,千其唔好步我後塵啊~

相信有脫毛/對脫毛有興趣既女仔,無邊個唔知Dermes。Dermes話哂都係香港第一間開業超過20年既脫毛公司,呢20年間,幫襯過Dermes既人真係多不勝數,Dermes正評更一早突破10萬以上。

仲記得當年激光脫毛岩岩興起,Dermes即刻引入美國專業TKS 755脫毛儀器,令Dermes成為香港首間擁有高科技激光脫毛技術既脫毛公司,再加上Dermes同各大明星合作,例如徐若瑄、吳雨霏、劉心悠、薛凱琪、朱千雪等等,風頭一時無兩,Dermes自然成為脫毛界的龍頭。

Dermes一直無對手,無敵係寂寞既,直到2013年殺出Medilase。Medilase當時引入由美國權威激光脫毛科技生產商CANDELA授權GentleLase PRO 755nm,比起Dermes既TKS 755脫毛機療程次數更短,因為GentleLase PRO 755nm有18mm機頭,覆蓋範圍更大。

加上Medilase除咗做脫毛之外,亦都不斷搵唔同素人同Blogger去進行試做,令正評節節上升,由開業到而家,更突破30萬大關,聽上去都覺得犀利!

但係Dermes根基深厚,遇到真正既競爭對手,就用實力去還擊。呢兩年Dermes就引入全新既Dermes HPD雙波長激光脫毛技術,呢個技術比起GentleLase PRO 755nm技術有過之而無不及,而且隨時代進步,GentleLase PRO 755nm技術都開始落後,如果要脫毛既話,當然係揀最新既技術啦!

講完Dermes同Medilase兩間脫毛公司小小歷史背景,就講下Hairless,其實呢間脫毛公司大概喺香港開咗2-3年左右,可能唔算好出名,但佢有個賣點,就係佢地用既係原廠升級版PRO-U755,似乎比起 Medilase脫毛既GentleLase PRO 755nm更新更專業。

但究竟係咪呢?

到底要去Dermes、Medilase定Hairless脫毛好?Dermes個HPD雙波長同Medilase & Hairless既755nm又邊個好啲?呢三間又邊間質素服務好啲?知你好多問題,一於繼續睇落去啦~

Dermes/Medilase/Hairless脫毛儀器認證 & 激光波長比較

上麵講咗Dermes既HPD雙波長激光脫毛技術比起755nm技術有過之而無不及,相信大家都想知點解。

首先講下呢個技術既背景,Dermes HPD雙波長激光脫毛儀器同技術係由德國研發,擁有美國FDA同歐盟CE國際安全及功效認證。Dermes既HPD雙波長激光波長原理係結合810nm+940nm波長。

呢2種波長,大家可能都聽過,第一個反應就會諗:「嚇?唔係755nm先最適合亞洲人咩?得唔得架?」

Dermes以前都係用TKS 755脫毛儀器,但用耐咗後,Dermes既脫毛專家發現比起755nm,Dermes HPD雙波長激光波長效果更好,點解呢?

20200326-Article-1_DermesMedilaseHairless激光脫毛比較_V22342

▲這是Dermes最新的HPD雙波長激光脫毛儀器。

原來,810nm波長係專針對黑色素,可以針對毛髮黑色素破壞底層毛囊,由根源清除粗黑既毛髮。同埋佢適用於所有膚色,就算你係鍾意曬太陽曬到皮膚黑哂既女士都冇問題!

如果單一810nm,當然好似同坊間所講755nm既好處無乜分別啦。但所謂雙劍合壁,天下無敵,當810nm結合940nm後,就成為全新既技術,比起其他波長脫毛效果更好!

940nm就係專門針對血紅素,點解脫完毛又會生返出黎?因為血紅素作怪,會不斷咁提供養分俾毛囊,而940nm就可以針對血紅素,令毛囊無哂養分供應而逐漸萎縮,將毛髮再生力減到最低。

而Dermes HPD雙波長激光波長可以有效夾擊黑色素同血紅素,就可以最有效粗幼毛都脫到喇。

可能你睇到呢到,仲覺得755nm激光波長係有效啲,重點黎啦!其實755nm隻係適合亞洲人(黃種人)膚色,可以有效針對黑色毛髮,但要注意既係,755nm其實解決唔到「毛囊」問題!

如果係一般女仔還好,但係體毛比較濃密、皮膚黝黑、成日剃毛/脫毛之後好快生返出黎既女仔;又或者係黑色素好少,隻有幼毛既女仔,755nm就好難先脫得乾淨。755nm可能可以將你d粗黑毛毛唔再出現,生返出黎變成幼毛,但因為幼毛黑色素唔多,所以755nm係消除唔到。我就係試過打左755nm 10幾次保養,麵上d幼毛都係清唔到。

而Dermes HPD雙波長就專門針對所有類型既毛囊,可以雙重夾擊粗幼毛毛,任何類型既皮膚都OK~如果你試過755nm都無改善,或者你就係我所講果幾種類型既女仔,請你唔好再浪費時間吧!

講咗咁耐Dermes既脫毛新技術,都要講下Medilase同Hairless既755nm脫毛儀器分別。

Dermes

▲這是Medilase的755nm PRO脫毛儀器,款式較舊。

Dermes

▲這是Hairless的755nm PRO-U脫毛儀器,款式較新,但效果和Medilase一樣

上文有提過,Medilase採用既係GentleLase PRO 755nm;而Hairless採用既係原廠升級版PRO-U755nm,到底有咩分別呢?

答案係:無分別!!!

雖然Hairless聲稱同美國廠商有緊密合作,更同廠商簽訂使用量標準合作夥伴以及最新的脫毛科技型號,係唯一指定既直接認可機構。

但其實原廠升級版採用既技術,同Medilase一直沿用既脫毛技術係無分別,所以效果仍然係一樣,純粹出生年份不一樣,出產年份較新,不代表係新技術吧…

其實,簡單啲講,就好似一架年份唔同既新車同舊車咁,最多年份新啲,咪新淨啲,就冇咁易壞,冇咁易俾人用到爛囉~

Dermes/Medilase/Hairless脫毛感覺比較

可能各位都有試過去Dermes/Medilase/Hairless三間到做過脫毛,我以前就鍾意去Medilase到做脫毛,因為品牌OK速度又夠快,755nm機又有PRO-U智能降溫係統,激光前會喺皮膚表麵噴出-20度既霧化冷凍劑,幫助毛囊散熱,輕微減少療程時既刺痛感。

不過,冷凍劑多數都含有化學成分,如果你屬於敏感肌,就有可能會出現過敏情況,我自己初時做都有少少唔舒服,做完過兩日都係會紅紅地,有痕痕地既感覺,幾驚自己有毛囊炎,後尾好彩無事。

後來認識咗Dermes,上年,當Dermes出左HPD雙波長之後,我又知道咗755nm同雙波長既分別後,加上又有朋友推薦,我做埋Medilase最後一個underarm脫毛就轉咗會…手手腳腳就決定交俾Dermes。

Dermes既HPD雙波長脫毛儀器既冷凍技術都係一個吸引我既因素。以往,Dermes既TKS 755冷凍技術較Medilase遜色,但Dermes HPD雙波長脫毛儀器就犀利了,採用高效致冷晶片配合藍寶石冷凍技術,可以瞬間幫肌膚降溫,過程隻會有暖暖地既感覺唔會痛。

Dermes HPD雙波長冷凍技術有別於Medilase同Hairless,755nm會使用有化學成分既冷凍劑,但Dermes既冷凍技術係無需敷冰或使用化學冷凍劑,大大降低敏感機會,即使敏感肌女仔都可以放心去Dermes做。

比較完冷凍技術,就到療程時間了,唔少女仔都可能同我一樣,鍾意喺Lunch或者Dinner既時間去做,易Book啲又少人啲(而家最驚多人地方…),但如果時間一長就大獲啦!

Medilase同Hairless脫毛療程時間都算快,我以前喺Medilase做脫毛,都係四十分鐘內搞掂,Hairless部機同佢一樣就應該差唔多,但估唔到Dermes會仲快,連埋事前準備工夫半小時左右就走得!

因為Dermes HPD雙波長技術有個獨特既方型大光點機頭,最大既機頭有30x10mm,而Medilase同Hairless既755機頭最大隻得12-24mm。Dermes機頭覆蓋範圍比佢地大成3倍,所以Dermes療程時間一定比佢地更快~

Dermes/Medilase/Hairless脫毛效果比較

就咁上官網睇效果比較,Dermes就承諾6次脫毛療程就可以有永久效果,之後會有一年3次既保養;Medilase就話隻需4-6次脫毛療程可以徹底解決毛髮問題;Hairless同樣都係4-6次脫毛療程就達到令人滿意既脫毛效果。

到底真唔真?我自己就隻能講返脫毛公司成日講果句:「效果因人而異!」,因為我之前去Medilase做夠6次都仲有幼毛,雖然得返好少好少,但始終斷唔到尾,感覺唔好受。

而我去Dermes效果就真係保證6次就解決哂毛囊,每次喺Dermes做完都會感覺比上次更加好,到最後雙手真係一條毛都冇!肌膚變得白滑,更加好既係唔洗花咁多時間,再上脫毛中心進入漫長既保養期~

20200326-Article-1_DermesMedilaseHairless激光脫毛比較_V24699

▲[Before]在Dermes脫前臂,雙手本來都是幼細的毛毛,看上去黑蚊蚊的…

Dermes

▲脫毛前要先剃毛。

Dermes

▲激光前要先搽脫毛專用gel,有保護皮膚作用。

Dermes

▲開始脫了!隻有暖暖的感覺,

▲開始脫了!只有暖暖的感覺,

▲[After] 先脫完了右手!看上去非常淨滑,而且仲比左手白咗幾度,開心哂!

遺憾既係,我暫時仲未去過Hairless做過脫毛,所以分享唔到俾大家聽自己既經驗。但大家睇完上文應該知道,Hairless同Medilase既儀器技術係一樣,波長一樣,效果自然一樣,簡單黎講,去過Medilase或者Hairless是但一間,都知道另一間既效果大概係點~

Dermes/Medilase/Hairless脫毛治療師比較

一間脫毛中心儀器技術當然重要,就算部機勁,都要果個人識用先得!如果部機勁,個人用得好隨便好求其,咁就無用,甚至可能會發生意外,所以脫毛治療師就係好重要。

我地首先睇下Dermes/Medilase/Hairless三間既治療師係點樣訓練先:

Dermes係官網寫上每位Dermes治療師均通過不少於220小時嚴格培訓及考核,每位Dermes治療師都清晰掌握皮膚與毛髮知識,確保療程每個步驟都一絲不苟,帶出Dermes有幾咁專業可靠;Medilase同樣係官網寫上治療師經過432小時專業光學療程培訓及2300次臨床實習,經驗係非常豐富;而Hairless呢方麵就完全被比下去,官網冇確保過治療師經過幾多時間既訓練,但有美國CANDELA專業資格證書同QCSM監管製度。

我自己就唔太信證書果啲野,而且唔通我脫毛之前叫佢俾證書我睇嗎?同埋可能我孤陋寡聞,上網都搵唔到Hairless相關既QCSM監管製度資料,所以Hairless既治療師,我隻能夠說經驗不明…

其實,治療師一落手落腳做就見真章,而一個人長時間做一樣野,熟能生巧,就自然做得好~所以我對Dermes同Medilase願意寫埋治療師訓練時間出黎,係會比較安心的。

Medilase既治療師訓練時間充足,所以我之前脫毛都幾放心,但不幸地就有第2個問題出現,就係Medilase啲治療師係隨機的(聽講Hairless都係),你每次上去佢都係俾唔同既治療師你,可能我自己比較怕生,唔係咁鍾意同陌生人交流,每次都要重新認識一個新既治療師,心很累啊~

同埋,如果一直都係固定一個治療師,佢跟進你既脫毛療程自然好啲,但如果每次唔同,就要重新了解情況,感覺冇咁好。更加令人尷尬既係,如果我係脫Bikini位,每次治療師都唔同,咁咪俾好多人睇過自己既私隱位置囉!?

諗下都覺得尷尬,好彩Dermes就唔同,每次上去Dermes都係同一個治療師,脫毛好似上去見個朋友咁,我咁怕生都唔會緊張,而且Dermes治療師會十分了解你既狀況,每條毛髮問題佢都會幫你一一解決,舒服穩陣好多。

同埋想去Dermes book療程,可以直接聯絡Dermes專屬治療師,又或者喺獨有既網上平台gratus預約,兩樣都好方便。

Dermes/Medilase/Hairless脫毛價錢比較

價錢當然係女仔選擇脫毛中心既一個重要因素!首先我要重申多次,我自己以前都係因為貪平,有「去邊到脫都冇所謂啦,都係一樣姐」、「洗唔洗俾咁貴脫毛呀?」等等諗法,但我之後好快後悔喇。

坊間實在有大大小小既美容院,部份美容院出名但儀器可以無證書無驗證,更何況唔出名既美容院呢?又或者聲稱係755機,或者其他波長技術如1064等,甚至可能是來自中國大陸、南韓或來歷不明的儀器,效果成疑,更重要既係安全性,有可能做完會令毛囊發炎,甚至造成永久性灼傷,所以一定要小心!

因此,Dermes/Medilase/Hairless三間脫毛中心既價錢比較貴絕對可以理解,佢地始終係專業既大型脫毛公司,不論波長技術、脫毛儀器、服務質素、效果保證都比起一般美容院好。

所以千萬不要為了貪小便宜而選擇平價既美容院,或者會令你得不償失,如果要做脫毛,就唔好心急,慢慢儲夠錢,先選擇值得信任既脫毛公司。

講咁耐,究竟Dermes/Medilase/Hairless脫毛價錢邊間好啲呢?

其實每個脫毛部位價錢每間都唔同,而且變化都幾大,今日我出完文,或者聽日就已經唔同啦,所以我都廢事打價錢,令大家睇完過幾日又唔同,所以你最好都係自己打電話/上去問問。XD

但總括來說,作為業界龍頭既Dermes係比Medilase價錢貴少少,而Medilase逐漸壯大,價錢就比起Hairless貴少少,所以Hairless係三間入麵價錢較平。

雖然Hairless價錢係比較平,但睇哂成篇文既你,相信都感覺到,Hairless各方麵都同Dermes同Medilase有段距離。如果你係追求舒適,無任何煩惱既體驗,我都會建議你揀Dermes或者Medilase最好。

Dermes/Medilase/Hairless優惠比較

然後就係比較脫毛優惠!Dermes/Medilase/Hairless三間脫毛中心既脫毛優惠其實同上文一樣,因為佢地成日都會變,但就多數係送唔同部位試做、新客優惠、部位組合優惠或者送下不同贈品咁。好似我第一次去試做Dermes時,就試做上唇位,而Dermes仲有underarm同bikini line俾大家試做。

值得一提既係,Dermes同Hairless都有免費評估及激光脫毛免費體驗,可以評估客人既膚質,進行專業毛髮分析,再俾客人試一試佢地既激光脫毛。而Medilase就隻有免費脫毛評估,用科學化步驟去了解毛髮狀況。

如果想更進一步了解或者體驗Dermes/Medilase/Hairless既脫毛療程,隻需要去佢地官網或者Facebook就隨時見到。

~以下係Dermes/Medilase/Hairless脫毛中心傳送門~

Dermes: https://dermes.gratus.com.hk/tc/

Medilase: http://www.medilase.com.hk

Hairless : https://www.hairless.com.hk/

dermes

dermes

dermes

▲Dermes分店地點亦位於中心地帶,環境舒適寬敞、裝潢典雅

(圖示銅鑼灣時代廣場、尖沙咀及旺角分店(由上至下)

Dermes

Dermes/Medilase/Hairless總結

Dermes/Medilase/Hairless三間脫毛中心,其實都有唔同既優點同缺點,你如果真係要選擇既,最好再三考慮,因為激光脫毛一個部位都要好長時間,如果唔想貼錢買難受,或者因小失大,就最好三思而後行!

最後,總括而言,Dermes/Medilase/Hairless三間脫毛中心既儀器同效果都比市麵上坊間各種美容院更有保證,但如果一定要揀一間我就會揀Dermes,一來Dermes品牌歷史有成20年,擁有時間既保證,每次去脫毛都覺得Dermes既治療師都好認真同專業。

而且Dermes分店較多,位置好方便,Dermes防疫措施也做到很足,而且Dermes旗艦店仲可以見到海景添XD

最緊要Dermes最新推出既HPD雙波長激光波長技術係比755nm更好,非常適合我既膚質~另外,Dermes治療師專業水平都高,而且係一對一咁幫你跟進,直到療程完滿結束,一分錢一分貨,俾貴少少我都覺得值得。

其次就係Medilase,佢用既脫毛儀器雖然係755nm舊機,效果OK但唔係適合所有膚質既女仔(我就斷唔到尾),治療師既知識同埋經驗都同Dermes媲美,但可惜成日轉黎轉去,進度跟得唔夠貼。Medilase就開左7年左右,雖然冇Dermes咁耐,但都有啲保證。

而Hairless脫毛中心就始終無Dermes同Medilase咁好,雖然價錢係較便宜,但係質素就唔敢保證,首先佢冇Dermes或者Medilase開咗咁耐,隻係開咗2-3年,另外係治療師方麵,好值得商榷!如果佢好似Dermes或者Medilase咁列明治療師既訓練時間,感覺會好啲~而且網上麵都冇咩人做過,無從參考,所以我寧願去Dermes或者Medilase脫毛好過~

*以上純屬個人意見,供各位消費者參考,脫毛效果始終因人而異喔~