【為春季做好準備】用手提蒸氣熨斗都可以防霉？

新年過去代表春天就快來臨，春天令人又愛又恨，雖然氣溫暖和，但非常之潮濕，衣服難乾又會好容易有霉菌。今日小編就話畀大家知一個防霉好方法，就係用手提蒸氣熨斗喇！雖然聽落好新奇，但呢個方法絕對唔會輸蝕傳統防霉方法！

介紹點樣用手提蒸氣熨斗防霉之前，好好了解下咩係霉菌先啦～

衣物晾唔乾好容易有霉菌，霉菌係一種極微細嘅真菌群，呢啲菌會依賴喺有機物質上生存，而霉菌除咗會對衣物纖維造成破壞，仲會對人體造成壞影響。當人體吸入霉菌粒子，或者皮膚接觸到霉菌，都有可能會引起過敏反應，例如氣喘、頭痛、流鼻水、眼睛不舒服等，如果霉菌停留咗喺呼吸道，更有可能會感染肺部疾病。

一般傳統防霉方法

最常見嘅防霉方法都係用吸濕珠、樟腦丸、木炭或者防霉餅呢類除濕用品，但有時啲衫放入櫃擺得耐，拎返出嚟嘅時候都係會有陣衣櫃味，或者樟腦丸味。有啲人就會索性拎去乾洗，再用膠袋入起佢，但乾洗閒閒地都百幾蚊一件，小數怕長計，次次都拎去乾洗唔係辦法。事不宜遲，介紹下點樣好好運用手提蒸氣熨斗去防霉！

手提蒸氣熨斗有幾好用？

小編想介紹嘅就係JNC新出嘅手提蒸氣熨斗，佢好用之處在於佢嘅超細納米蒸氣，呢種納米蒸氣係JNC嘅獨家Flexsteam技術產物，比起一般水蒸氣分子仲要細粒，咁就可以輕鬆滲透衣物纖維，燙直衣服冇難度！

佢既然係一個咁好用嘅手提蒸氣熨斗，功能又點止咁少呀！佢嘅超高溫納米離子蒸氣仲有消毒功能，唔止可以去除霉，仲可以殺滅超過99.9%大腸桿菌、白色念珠菌同超過96.7%金黃葡萄球菌！衣物上面冇細菌就自然冇臭味啦，仲洗乜成日拎去乾洗呀？

有唔少旅遊達人都大讚呢個手提蒸氣熨斗好用，因為「細」都係佢嘅賣點嚟！佢嘅機身只有118 × 81 × 97mm咁大，重450克，帶去旅行非常方便，仲可以用嚟消毒酒店床單！佢入面有一個85-100毫升水箱，裝滿水之後就可以持續釋出600萬粒高品質負離子長達10分鐘，機仔細細但強勁持久！

此外，無論平燙好定掛燙好，用呢個手提蒸氣熨斗都可以一一幫你搞掂！佢有基本嘅強同弱平燙模式，適合唔同面料材質同厚度嘅衣物，唔怕燙壞，即刻恢復柔軟彈性！

呢個手提蒸氣熨斗非常方便好用，按個制蒸氣就可以一直從機底釋出，唔洗長按，名副其實「最快、最細、最專業！」仲有紫色同桃紅色畀你揀，配埋個手提盒，簡約輕便，最啱有品味嘅你！

JNC的產品一絲不苟，從包裝到品質都努力追求時尚、簡約和智能。時尚設計配合智能易用的功能，助您享有現代健康高品質生活，把不便變成方便，秉承「life is beautiful」的宗旨。

 相關文章推薦：

【為春季做好準備】用手提蒸氣熨斗都可以防霉？