正宗川菜、北京填鴨誠意推介|「金公館」太古店

Cassie2021-04-23

北京填鸭

呢排可以出去食晚飯,食得外賣多真係要食啲堂食先會食嘅嘢先^^ 北京填鴨都係我心目中,中菜No.1!麻辣我都好鐘意,但同時地又想食麻辣,又想食北京填鴨,推介去位於太古嘅京川粵菜「金公館」。正宗四川大廚坐鎮,川菜好出色,同時又有北京填鴨,經過門口有專人處理,即點即切!

北京填鴨推介

食北京填鴨最緊要係,塊鴨皮唔可以淋,唔係會咬唔開。包住鴨果塊皮又不能太厚,又唔可以太薄,容易一拎就爛,個汁又不能太咸。「金公館」嘅北京填鴨,皮片得夠薄,唔會片埋啲肉,真係正宗片皮鴨!

北京填鴨推介3

傳統烤鴨方法,加上片走鴨皮中間之油脂,無油膩感可以食多幾塊!烤鴨嘅表皮燒到金黃色,皮夠脆又唔油膩!個人認為北京填鴨推介真係要剩係片鴨皮先係正宗,片埋啲鴨肉感覺好似食燒鴨咁!鴨嘅本身重要,但其實個餅皮都好重要,餅皮唔可以厚同埋痴埋一齊,金公館好細心地每塊餅皮中間都有一張蒸紙,方便拎嚟夾片皮鴨。

北京填鴨推介4

北京填鴨醬料選擇好多有甜麵醬、桂花醬、麻醬及酸梅醬。新鮮配菜青瓜條、京蔥絲、蜜瓜條及西芹絲。個人北京填鴨推介口味青瓜條、京蔥絲加甜麵醬,真係絕配!

北京填鴨推介5

北京填鴨推介6

北京填鴨推介7

酸菜魚嘅材料辣椒及酸菜都來自四川,傳統古法埋壇老壇醃制酸菜,新鮮菜加埋秘制香料醃制至20至30天,小葉無筋酸菜,食材選用好新鮮,魚肉完全無腥味,料又多!

北京填鴨推介9

爽脆嘅酸菜好開胃,湯底花椒好香,加上新鮮魚肉,麻而不辣,真係酸爽享受!連魚皮嘅魚肉,食材新鮮烹調方法都好重要,真係要好新鮮先可以無腥味,魚肉啱啱熟,肉質好滑!

北京填鴨推介10

霸王辣子雞嘅份量真心多,平時食啲辣椒一定多過雞,呢度嘅份量好辣椒同雞差不多,仲加咗貴價嘅腰果代替花生,麻辣花椒香味酥脆感十足,超正下酒菜。

北京填鴨推介11

北京填鴨推介12

蒜泥白肉偏向麻辣味,中間夾咗青瓜,解白肉嘅油膩感。

北京填鴨推介13

四川擔擔麵,好濃嘅花生味,成個湯好濃,仲有小小麻辣。

北京填鴨推介14

青城山杏汁猪肺湯,成個湯煮到奶白色,足料靚湯,最緊要無味精。

北京填鴨推介15

出街食飯我都幾注重上菜嘅時間,「金公館」嘅上菜時間都好快,同埋啲菜上到枱嘅時候都仲係熱,一出菜就拎上枱,服務上算不錯。

北京填鴨推介17

餐廳環境都好寬躺,卡位坐得舒服,傾計聚餐都好舒適。

北京填鴨推介18

枱邊仲有埋熱水爐,沖茶方便,隨時都有熱茶飲,細心服務。

北京填鴨推介19

個餐仲送咗支紅酒,啱晒我們邊食邊吹吹水,親朋戚友想傾計聚餐真係好適合。

北京填鴨推介20

正宗川菜、北京填鴨推介,好食料又多!行開太古可以去試吓京川粵菜金公館!

金公館地址:太古康山道1-2號康怡廣場北座3樓T4號舖


相關文章推薦閱讀:

太古中菜推薦:馳名酸菜魚、 片皮鴨 ~ 金公館