Medilase同Dermes激光脫毛好唔好？第一身實測效果及服務

「Dermes vs Medilase」，相信唔少女仔都成日將呢2間激光脫毛機中心比較，皆因呢2間係香港最大同出名既脫毛中心。

為左解答各位女仔既疑惑，本文將會集中分析，呢2間激光脫毛中心既企業歷史、脫毛儀器、激光波長、脫毛效果同治療師服務，相信呢幾樣係女仔脫毛最睇重既因素。

睇完Dermes vs Medilase呢篇文章後，或者你會對激光脫毛有前所未有既睇法，立即入正題。

Dermes vs Medilase企業歷史

企業歷史悠久，證明該企業有實力，深得消費者歡心，先會堅持到咁多年，所以開得愈耐既企業，自然愈有信心保證。

對激光脫毛有興趣既女仔，應該唔多唔少都知道Dermes既企業歷史，佢係香港第一間開業超過20年既脫毛公司，呢20年係Dermes做激光脫毛既人真係數之不盡。

20年前激光脫毛剛剛興起，Dermes即刻引入美國專業TKS 755脫毛儀器，令Dermes成為香港首間擁有高科技激光脫毛技術既脫毛公司。Dermes仲好醒目咁搵埋當時紅遍香港既女明星合作，好似徐若瑄、吳雨霏、劉心悠、薛凱琪等等，好快Dermes就變左脫毛界既龍頭。

期間都有大大小小既美容院同脫毛中心，但都唔夠佢砌，直到2013年Medilase冒起。Medilase當時引入由美國權威激光脫毛科技生產商CANDELA授權GentleLase PRO 755nm，聲稱比起Dermes既TKS 755脫毛機療程更勁。

Medilase除左搵當紅女明星合作外，仲搵左超多素人同Blogger去進行試做脫毛，正評好快突破30萬，直到今日都係不斷上中下咁夾擊Dermes！

Dermes見到競爭對手愈壯愈大，即刻引入全新既Dermes HPD雙波長激光脫毛技術，呢個技術係比起GentleLase PRO 755nm技術更好，點解？繼續睇落去啦！

Dermes vs Medilase脫毛儀器及激光波長

Dermes HPD雙波長激光脫毛儀器同技術由德國研發，擁有美國FDA同歐盟CE國際安全及功效認證，其激光波長原理係結合810nm+940nm波長。

810nm波長係專針對黑色素，可以針對毛髮黑色素破壞底層毛囊，由根源清除粗黑既毛髮，同時適用於所有膚色。

940nm就係專門針對血紅素，令毛囊無哂養分供應而逐漸萎縮，將毛髮再生力減到最低。

Dermes HPD雙波長激光就可以有效夾擊黑色素同血紅素，將粗幼毛髮都徹底KO。

咁Medilase 755nm激光脫毛波長呢？由於品牌植入廣告觀念太深，令香港女仔都仲以為755nm激光波長係有效啲，但其實755nm已經係past tense了。

簡單講，755nm只係適合亞洲人（黃種人）膚色，只有效針對黑色毛髮，但針對唔到「毛囊」！

755nm for一般女仔係無問題，但如果係體毛比較濃密、皮膚黝黑、成日剃毛/脫毛之後好快生返出黎既女仔；又或者係黑色素超少，只有幼毛既女仔，755nm其實好難清得哂毛毛。

755nm係可以將黑色素勁既粗黑毛毛打碎，當下次生返出黎時候，變成幼毛，大家可能會覺得好有效，但重點就係呢個時候！

變成幼毛後，由於幼毛黑色素唔多，憑住755nm波長係無辦法令到餘下既幼毛毛囊吸收激光，我就曾經做755nm波長達10次以上，都無辦法搞掂幼毛，愈幼愈難搞。

Dermes HPD雙波長既好處，就係徹底搞掂粗幼毛毛，所有類型既毛囊都搞得掂。如果你係濃密毛孩，或者只係得幼毛既女仔，基本上可以直接skip 755nm，咪哂無謂錢。

Dermes HPD雙波長激光脫毛儀器

Medilase 755nm PRO

Dermes vs Medilase 激光脫毛過程及效果

Dermes vs Medilase激光脫毛過程及效果，究竟邊間先真正有用呢？其實上文都講過，Dermes最新既HPD雙波長係針對所有女仔；而Medilase既755nm PRO係舊機，所以只岩一般毛髮量既女仔做，簡單啲講2個都有用，只係睇你係邊種女仔。

我以前就去開Medilase脫毛，因為品牌佢做得好靚，官網同店鋪都好有時代感，佢部機仲有PRO-U智能降溫系統，激光前會喺皮膚表面噴出-20度既霧化冷凍劑，令你唔會咁痛。

但係我做果時仍然有少少唔舒服，做完過兩日仲紅紅痕痕，後尾上網睇先見到原來所謂既冷凍劑多數都含有化學成分，敏感肌一接觸到，再加上激光刺激，就有可能會出現過敏情況…

再加上脫左10次以上都未脫清，唏噓既我就決定轉會喇，另一個選擇自然就係Dermes了。以前覺得Dermes麻麻地，但只限「以前」，而家Dermes轉左新機就巴閉了。

HPD雙波長比起755nm波長既儀器更強勁，除左激光波長，佢既冷凍技術採用高效致冷晶片配合藍寶石冷凍技術，可以瞬間幫肌膚降溫，過程只會有暖暖地既感覺唔會痛，敏感肌都OK。

另外療程時間都大大減少左，雖然Medilase脫毛療程時間算快，我以前喺Medilase做脫毛，都係四十分鐘內搞掂，食Lunch或者放工去做都好快走得，但估唔到Dermes會仲快，連埋事前準備工夫半小時左右就走得！

因為Dermes HPD雙波長技術有個獨特既方型大光點機頭，最大既機頭有30x10mm，而Medilase既755機頭最大只得12-24mm。Dermes機頭覆蓋範圍比佢大成3倍，所以Dermes療程時間一定比佢地更快～

在Dermes脫前臂，手上本來都是黑幼毛毛

脫毛前要先剃毛

療程過程都好舒適自在，脫毛過程是暖暖的感覺

因為Dermes機頭覆蓋範圍比Medilase大成3倍，所以療程時間都超級快～

首先脫完了右手！比較之下，右手肌膚很乾淨，更比左手白嫩了不少

進行了4次療程，就已經脫得好徹底，連本身有紅色點點問題都一併解決埋

Dermes vs Medilase 治療師服務

講左咁多關於部機既野，都要講下治療師既。機係死既，人係生既，就算部機勁，個人唔識用就無用啦。所以治療師都係我好睇重既一個因素，始終你成個body都係交俾佢負責。

其實無親身體驗過，好難知道治療師好唔好。不過就咁睇下官網層面，Dermes vs Medilase~2間鋪係點介紹治療師先：

Dermes係官網寫上每位Dermes治療師均通過不少於220小時嚴格培訓及考核，每位Dermes治療師都清晰掌握皮膚與毛髮知識，確保療程每個步驟都一絲不苟，帶出Dermes有幾咁專業可靠。

Medilase係官網寫上治療師經過432小時專業光學療程培訓及2300次臨床實習，可見2間經驗都係非常豐富！

就咁睇，Medilase訓練時間同實習次數都幾驚人，我當初都係因為呢個數字而放心揀佢地，而Medilase治療師亦都好熟手，經驗豐富，脫毛係無問題既，不過就有其他問題出現…

就係Medilase啲治療師係隨機的，當我每次上去時，佢都係俾唔同既治療師你，我自己個人就比較專一（即使唔係拍拖都係），每次都要重新認識一個新既治療師，覺得好攰（可能人大左唔想識新朋友），每個治療師既做法又有小小唔同，好難習慣啊！

另外，如果一直都係固定一個治療師，我覺得跟進脫毛療程進度會好啲，因為如果每次唔同，就要重新了解情況，感覺冇咁好。同埋，我有次脫脫下，係到諗，如果我係脫Bikini位，每次治療師都唔同，咁咪俾好多人睇過自己既私密位置囉…

諗下都覺得尷尬，好彩Dermes就係固定治療師既，每次上去Dermes脫毛好似上去見個朋友咁，女仔們都唔洗驚怕生同緊張，而且Dermes治療師會十分了解你既狀況，每次都跟進度跟到好貼，感覺舒服穩陣啲。

同埋想去Dermes book療程，可以直接聯絡Dermes專屬治療師，又或者喺獨有既網上平台gratus預約，兩樣都好方便。

Dermes vs Medilase 結論

總括黎講2間激光脫毛中心之中，我係比較buy Dermes，可能因為我最初係Medilase脫毛脫得唔好，但去到Dermes就好快搞掂。

不過事實勝於雄辯，企業歷史、脫毛儀器、激光波長、脫毛效果同治療師服務呢幾樣野都係Dermes勝出，係呢到再提一次，大家唔好再俾755nm洗腦喇，755唔係萬能架！

-以下係Dermes&Medilase激光脫毛中心既官網-

Dermes: https://dermes.gratus.com.hk/tc/

Medilase: http://www.medilase.com.hk

-以上純屬個人意見，供各位脫毛女仔參考，脫毛效果始終因人而異-